ການຮຽນພາສາ ເປັນກຸນແຈໜື່ງທີ່ສຳຄັນໃນການເປີດປະຕູສູ່ຄວາມຮູ້, ໂອກາດທາງການສຶກສາ, ອາຊີບ ແລະ ການພັດທະນາຕົນເອງ ເພື່ອໃຫ້ສາມາດດຳລົງຊີວິດ ແລະ ແຂ່ງຂັນໄດ້ໃນສັງຄົມສາກົນ. ສູນຝືກອົບຮົມ ພາສາຈີນ ຜິງອ່ານ ໄດ້ຮັບການສ້າງຕັ້ງໃນວັນທີ 11/11/2025, ເປັນສູນການສືກສາໜື່ງ ທີ່ໃຫ້ຄວາມສໍາຄັນໃນການສິດສອນພາສາຈີນ, ພາສາລາວ ແລະ ພາສາອັງກິດ ທີ່ມີຄຸນນະພາບໃຫ້ກັບກັບຄົນລາວ, ຄົນຈີນ ແລະ ຄົນມຽນມາ ທີ່ມາດຳເນີນທຸລະກິດ ຢູ່ເມືອງຕົ້ນເຜີ້ງ ແຂວງບໍ່ແກ້ວ.

1. ເພີ່ມທັກສະການສື່ສານ: ຊ່ວຍໃຫ້ສາມາດສື່ສານກັບຄົນຈາກຫຼາຍປະເທດ ແລະ ຫຼາຍວັດທະນະທຳໄດ້ຢ່າງມີປະສິດທິຜົນ.

2. ເພີ່ມໂອກາດທາງການສຶກສາ: ຊ່ວຍໃຫ້ເຂົ້າເຖິງແຫຼ່ງຄວາມຮູ້, ທຶນການສຶກສາ ແລະ ການສຶກສາຕໍ່ໃນຕ່າງປະເທດ.

3. ເພີ່ມໂອກາດໃນການເຮັດວຽກ: ຜູ້ທີ່ສາມາດໃຊ້ພາສາຕ່າງປະເທດໄດ້ ມັກມີໂອກາດກ້າວໜ້າໃນອາຊີບ ແລະ ມີລາຍໄດ້ສູງຂຶ້ນ.

4. ສົ່ງເສີມການຄ້າ ແລະ ທຸລະກິດ: ພາສາເປັນເຄື່ອງມືສຳຄັນໃນການເຈລະຈາ, ການລົງທຶນ ແລະ ການຮ່ວມມືທາງທຸລະກິດ.

5. ສ້າງຄວາມເຂົ້າໃຈດ້ານວັດທະນະທຳ: ຊ່ວຍໃຫ້ເຂົ້າໃຈວິຖີຊີວິດ, ຄວາມຄິດ ແລະ ຂະນົມທຳນຽມຂອງຊົນຊາດອື່ນ.

6. ພັດທະນາຄວາມຄິດ ແລະ ສະຕິປັນຍາ: ການຮຽນຫຼາຍພາສາຊ່ວຍຝຶກຄວາມຈຳ, ການວິເຄາະ ແລະ ການແກ້ໄຂບັນຫາ.

"ມຸ່ງໝັ້ນພັດທະນາໃຫ້ເປັນສູນກາງດ້ານການສຶກສາ ແລະ ການພັດທະນາທັກສະທີ່ມີຄຸນນະພາບ, ມີມາດຕະຖານ ແລະ ເປັນທີ່ຍອມຮັບໃນລະດັບຊາດ ແລະ ສາກົນ."

"ພວກເຮົາມຸ່ງໝັ້ນຈັດການຮຽນການສອນພາສາ ແລະ ພັດທະນາທັກສະທີ່ມີຄຸນນະພາບ, ສົ່ງເສີມການຮຽນຮູ້ຕະຫຼອດຊີວິດ, ສ້າງໂອກາດດ້ານການສຶກສາ ແລະ ອາຊີບ ພ້ອມທັງເສີມສ້າງຄວາມເຂົ້າໃຈດ້ານພາສາ ແລະ ວັດທະນະທຳ ລາວ–ຈີນ ໃຫ້ແກ່ຜູ້ຮຽນ."

ພາລະກິດ 5 ຂໍ້

1 ຈັດການຮຽນການສອນພາສາທີ່ມີຄຸນນະພາບ ແລະ ໄດ້ມາດຕະຖານ.

2 ພັດທະນາທັກສະການຟັງ, ເວົ້າ, ອ່ານ ແລະ ຂຽນ ໃຫ້ສາມາດນຳໄປໃຊ້ໄດ້ຈິງ.

3 ສົ່ງເສີມການແລກປ່ຽນດ້ານພາສາ ແລະ ວັດທະນະທຳ ລາວ–ຈີນ.

4 ພັດທະນາຄຸນນະພາບຄູອາຈານ ແລະ ບຸກຄະລາກອນຢ່າງຕໍ່ເນື່ອງ.

5 ສ້າງຄວາມຮ່ວມມືກັບສະຖາບັນການສຶກສາ ແລະ ອົງກອນທັງພາຍໃນ ແລະ ຕ່າງປະເທດ.

1. ຄຸນນະພາບ (Quality): ມຸ່ງມັ່ນຈັດການຮຽນການສອນ ແລະ ການບໍລິການທີ່ມີຄຸນນະພາບ ຕາມມາດຕະຖານວິຊາການ.

2. ຄວາມເປັນເລີດ (Excellence): ສົ່ງເສີມການພັດທະນາຢ່າງຕໍ່ເນື່ອງ ເພື່ອບັນລຸຜົນການຮຽນຮູ້ທີ່ດີທີ່ສຸດ.

3. ຄວາມຊື່ສັດ ແລະ ຄວາມຮັບຜິດຊອບ (Integrity & Responsibility): ດຳເນີນງານດ້ວຍຄວາມໂປ່ງໃສ, ຊື່ສັດ ແລະ ຮັບຜິດຊອບຕໍ່ຜູ້ຮຽນ ແລະ ສັງຄົມ.

4. ການຮຽນຮູ້ຂ້າມວັດທະນະທຳ (Cultural Understanding): ສົ່ງເສີມຄວາມເຂົ້າໃຈ ແລະ ເຄົາລົບຄວາມຫຼາກຫຼາຍທາງພາສາ ແລະ ວັດທະນະທຳ.

5. ນະວັດຕະກຳ ແລະ ການພັດທະນາ (Innovation & Growth): ນຳໃຊ້ເທັກໂນໂລຊີ ແລະ ວິທີການສອນໃໝ່ໆ ເພື່ອພັດທະນາຄຸນນະພາບການຮຽນຮູ້.

ສູນຝຶກອົບຮົມພາສາຈີນ ຜິງອ່ານ ໄດ້ຖືກສ້າງຕັ້ງຂຶ້ນເພື່ອເປັນສະຖາບັນທີ່ມີຄວາມມຸ່ງໝັ້ນໃນການພັດທະນາທັກສະດ້ານພາສາ ແລະ ການຮຽນຮູ້ຂອງຜູ້ຮຽນ ໃຫ້ມີຄຸນນະພາບ ແລະ ສາມາດນຳໄປໃຊ້ໄດ້ຈິງໃນຊີວິດ ແລະ ການເຮັດວຽກ.

ໃນຍຸກປັດຈຸບັນ ພາສາຈີນໄດ້ກາຍເປັນພາສາສຳຄັນລະດັບໂລກ ທີ່ເປີດໂອກາດທາງການສຶກສາ, ທຸລະກິດ ແລະ ການຈ້າງງານ. ສູນຂອງພວກເຮົາຈຶ່ງມຸ່ງໝັ້ນຈະເປັນພື້ນທີ່ໃຫ້ຜູ້ຮຽນໄດ້ພັດທະນາທັກສະພາສາຢ່າງຖືກຕ້ອງ, ທັນສະໄໝ ແລະ ມີມາດຕະຖານ.

ພວກເຮົາມຸ່ງໝັ້ນທີ່ຈະພັດທະນາສູນໃຫ້ເປັນສູນກາງການຮຽນຮູ້ພາສາຈີນ ແລະ ທັກສະອື່ນໆ ທີ່ໄດ້ຮັບການຍອມຮັບທັງພາຍໃນ ແລະ ຕ່າງປະເທດ. ພ້ອມກັນນັ້ນ ພວກເຮົາຍັງເນັ້ນການພັດທະນາຄູອາຈານ, ຫຼັກສູດ ແລະ ສະພາບແວດລ້ອມການຮຽນຮູ້ ໃຫ້ທັນສະໄໝ ແລະ ມີປະສິດທິພາບ.

ສຸດທ້າຍນີ້ ຂ້າພະເຈົ້າຂໍຂອບໃຈທຸກພາກສ່ວນທີ່ໃຫ້ການສະໜັບສະໜູນ ແລະ ເຊື່ອໝັ້ນໃນສູນຂອງພວກເຮົາ. ພວກເຮົາຈະມຸ່ງໝັ້ນພັດທະນາຄຸນນະພາບການສຶກສາໃຫ້ດີທີ່ສຸດ ເພື່ອສ້າງອະນາຄົດທີ່ດີໃຫ້ແກ່ຜູ້ຮຽນທຸກຄົນ.

ຜູ້ອຳນວຍການສູນຝຶກອົບຮົມພາສາຈີນ ຜິງອ່ານ